Lóðrétt hamingja ávísun á lárétta

Mér virðist stundum sem karlar horfi allt öðru vísi á heimilið en konur - að metnaður þeirra liggi frekar eða að miklu leiti í vinnunni. Þó er ég sannfærð um að flestir þeirra hafa metnað fyrir að eiga ánægðar eiginkonur en halda gjarna að sú hamingja sé eingöngu fengin á láréttunni...þeir verða svo innilega að fara að fatta að aukin lóðrétt heimilisverkaþátttaka þeirra eykur líkur á (láréttri) hamingjusamri eiginkonu og þar af leiðandi þeirra eigin hamingju. Þetta er ekki einasta mín skoðun heldur niðurstaða vísindalegra kannana á hegðun fólks í sambúð. Eða er ekki hin mesta hamingja að stuðla að hamingju annarra? Ég er sjaldan glaðari en þegar maðurinn minn er í skýjunum. Nota bene með mér en ekki bara fyrir mína tilstuðlan <3

Athugasemdir

[Gunnar Waage, 4.6.2011 kl. 02:55]

Þvílíkt bull.

[Eyjólfur G Svavarsson, 4.6.2011 kl. 10:56]

Anna Lísa! Hvert er eðli karlkynsveru?

[Anna Lísa Baldursdóttir, 4.6.2011 kl. 15:54]

Ja Eyjólfur, þegar stórt er spurt... En hvers vegna spyrðu?

Mín skoðun er sú að eðli karlkynsvera sé fyrst og fremst að vernda og sá. En þín?

Mér sýnist reyndar eðli Gunnars ekki alveg í þeim anda svo kannski hef ég kolrangt fyrir mér. Ég stóð enda í þeirri trú að hér væri vettvangur til að skemmta andanum með skoðanaskiptum en ekki fyrir bullandi bullur. En svo bregðast krosstré sem önnur tré.